Հինգշաբթի 7 Դեկտեմբեր 2017-ին, Հայաստանի Շիրակի մարզի՝ Կիւմրիի Սրբոց Նահատակաց աթոռանիստ եկեղեցւոյ մէջ հոծ բազմութեան ներկայութեամբ տեղի ունեցաւ Ս. և Անմահ Պատարագ` նուիրուած՝ Կիւմրիի երկրաշարժի 29-րդ տարելիցին:
Պատարագը մատուցանեց` Զմմառու Պատրիարքական Կղերի Միաբաններէն`Կիւմրիի Սրբոց Նահատակաց աթոռանիստ եկեղեցւոյ ժողովրդապետ՝ գեր. Հ. Մաշտոց վրդ. Զահթերեան:
Հոգեպարար արարողութենէն ետք տեղի ունեցաւ հոգեհանգստեան պաշտօն, որուն նախագահեց Փանիկ գիւղի ժողովրդապետ՝ գերյ. Հ. Գառնիկ ծ.վ. Յովսէփեան, եւ որուն մասնակցեցաւ նաեւ Հ. Եղիա վրդ. Դերձակեան՝ Հովտուն եւ Արփենի գիւղերու ժողովրդապետ:
