Հայ Կաթողիկէ Եկեղեցիին Սիւնհոդոսը Լիբանանի Պատրիարքական Թեմին համար Օգնական Եպիսկոպոս ընտրեց Գերպտ. Հ. Գրիգոր Վրդ. Պատիշահը, որ ներկայիս կը վարէ Զմմառու Միաբանութեան Ընծայարանին տեսուչի եւ Սիւնհոդոսին քարտուղարի պաշտօնները:
Փրանկիսկոս Սրբազան Պապը հաստատեց ընտրութիւնը՝ նոր անուանեալը կարգելով «տիտղոսաւոր Արդուինի Հայոց»:
Փրանկիսկոս Սրբազան Քահանայապետը Հիւսիսային Ամերիկայի եւ Գանատայի «Նարեկի Տիրամայր» Հայ Կաթողիկէ Թեմին համար Օգնական Եպիսկոպոս անուանեց Գերյ. Հ. Բարսեղ Ծ.Վ. Պաղտասարեանը, որ ներկայիս ժողովրդապետն է «Ս. Գրիգոր Լուսաւորիչ» աթոռանիստ եկեղեցիին, Կլէնտէյլ, Լոս Անճելըս, ԱՄՆ, իբր «տիտղոսաւոր Կոմանայ Հայոց»:
