Վատիկան
Բենեդիկտոս ԺԶ. Սրբազան Քահանայապետի Լիբանան այցելութեան առթիւ Պաշտօնական կայքէջ մը ներկայացուեցաւ հանրութեան: Այցելութիւնը տեղի պիտի ունենայ 14-էն 16 սեպտեմբեր 2012-ին, որուն ընթացքին Սրբազան Քահանայապետը պիտի այցելէ Պէյրութ, Հարիսա, Պաապտա, Զմմառ, Պքերքէ եւ Շարֆէ։
Կայքէջը հասանելի է չորս լեզուներով՝ արաբերէն, անգլերէն, ֆրանսերէն եւ իտալերէն։ Ան կընդգրկէ այցելութեան յայտագիրը, սրբազան քահանայապետին կեանքն ու կենսագրականը եւ Միջին Արեւելքի Եկեղեցիներու պատմութիւնը։
Կայքէջին հասցէն է՝ www.lbpapalvisit.com
Կազմակերպչական մարմինը նաեւ յատուկ էջեր բացած է «Facebook», «Twitter» եւ «Youtube» համացանցային կայքէրուն մէջ։ Կարելի է նաեւ հետեւիլ լուրերուն Radiovatican-էն եւ www.armeniancatholic.org-ի էջերէն: