Կարգաւորութիւն Սբ. Պատարագի.- էջ 4/12 (գրաբար)
ԸՆԹԵՐՑՈՒԱԾՔ
Սարկաւագն կամ ընթերցողն ՃԱՇՈՒ ՍԱՂՄՈՍ (ասէ մեսեդին. ապա ընթեռնու զթուղթն):
Ապա
Ալէլուիա ալէլուիա "սաղմոս":
Ալէլուիա: Օրթի:
Քահանայն Խաղաղութիւն ամենեցուն:
Դպիրքն Եւ ընդ հոգւոյդ քում:
Սարկաւագն Երկիւղածութեամբ լուարուք:
Քահանայն Սրբոյ Աւետարանիս որ ըստ ...:
Դպիրքն փառք քեզ, Տէր Աստուած մեր:
Սարկաւագն Պռօսխումէ:
Դպիրքն Ասէ Աստուած:
Քահանայն Տէրն մեր Յիսուս Քրիստոս ...
Դպիրքն փառք քեզ, Տէր Աստուած մեր:
ՔԱՐՈԶ
Քահանայն եւ ժողովուրդն
ՀԱՆԳԱՆԱԿ ՀԱՒԱՏՈՅ
Հաւատամք ի մի Աստուած՝ ի Հայրն ամենակալ, յարարիչն երկնի երկրի՝ երեւելեաց աներեւութից:
Եւ ի մի Տէր Յիսուս Քրիստոս, Որդին Աստուծոյ, ծնեալն յԱստուծոյ Հօրէ՝ միածին, այսինքն՝ յէութենէ Հօր: Աստուած յԱստուծոյ, լոյս ի լուսոյ, Աստուած ճշմարիտ, յԱստուծոյ ճշմարտէ ծնունդ՝ ոչ արարած: Նոյն ինքն ի բնութենէ Հօր, որով ամենայն ինչ եղեւ յերկինս ի վերայ երկրի՝ երեւելիք աներեւոյթք: Որ յաղագս մեր մարդկան վասն մերոյ փրկութեան՝ իջեալ ի յերկնից, մարմնացաւ, մարդացաւ, ծնաւ կատարելապէս ի Մարիամայ սրբոյ Կուսէն՝ Հոգւովն Սրբով: Որով էառ մարմին, հոգի եւ միտս, զամենայն որ ինչ է ի մարդ, ճշմարտապէս ոչ կարծեօք: Չարչարեալ, խաչեալ, թաղեալ, յերրորդ աւուր յարուցեալ, ելեալ ի յերկինս նովին մարմնովն, նստաւ ընդ աջմէ Հօր: Գալոց է նովին մարմնովն փառօք Հօր՝ դատել զկենդանիս զմեռեալս: Որոյ թագաւորութեան՝ ոչ գոյ վախճան:
Հաւատամք ի Սուրբ Հոգին՝ յանեղն ի կատարեալն: Որ խօսեցաւ յՕրէնս ի Մարգարէս յԱւետարանս: Որ էջն ի Յորդանան, քարոզեաց յառաքեալսն բնակեցաւ ի սուրբսն:
Հաւատամք ի մի միայն յընդհանրական յառաքելական եկեղեցի: Ի մի մկրտութիւն՝ յապաշխարութիւն, ի քաւութիւն ի թողութիւն մեղաց: Ի յարութիւն մեռելոց: Ի դատաստանսն յաւիտենից, հոգւոց մարմնոց: Յարքայութիւնն երկնից. ի կեանսն յաւիտենականս:
Քահանայն Իսկ մեք փառաւորեսցուք որ յառաջ քան զյաւիտեանս, երկիր պագանելով սրբոյ Երրորդութեան մի Աստուածութեան՝ Հօր Որդւոյ Հոգւոյն սրբոյ. այժմ միշտ յաւիտեանս յաւիտենից. Ամէն:
Քահանայն ի ծածուկ Տէր մեր փրկիչ Յիսուս Քրիստոս, որ մեծդ ես ողորմութեամբ առատ պարգեւօք բարերարութեան քոյ: Որ դու քոյին կամաւ ի ժամուս յայսմիկ համբերեցեր չարչարանաց, խաչի, մահու՝ յաղագս մեղաց մերոց, պարգեւեցեր առատապէս զպարգեւս Հոգւոյդ սրբոյ երանելի առաքելոցն: Հաղորդս արա՛ զմեզ, Տէր, աղաչեմք զքեզ՝ աստուածային պարգեւացդ, թողութեան մեղաց ընդունելութեան Հոգւոյդ սրբոյ:
Սարկաւագն Եւ եւս խաղաղութեան զՏէր աղաչեսցուք:
Դպիրքն Տէր, ողորմեա՛:
Սարկաւագն Եւ եւս հաւատով աղաչեսցուք եւ խնդրեսցուք ի Տեառնէ Աստուծոյ եւ ի փրկչէն մերմէ Յիսուսէ Քրիստոսէ՝ ի ժամուս պաշտաման եւ աղօթից:
Դպիրք Շնորհեա՛, Տէր: Շնորհեա՛ Տէր: Տէր ողորմեա՛: Քեզ Տեառնդ յանձն եղիցուք: Տէր, ողորմեա՛. Տէր, ողորմեա՛. Տէր, ողորմեա՛:
Սարկաւագն Օրհնեա՛ տէր:
Քահանայն ի ձայն Որպէս զի արժանաւորք եղիցուք գոհութեամբ փառաւորել զքեզ ընդ Հօր ընդ սրբոյ Հոգւոյդ, այժմ միշտ յաւիտեանս յաւիտենից. Ամէն:
Քահանայն Խաղաղութիւն ամենեցուն:
Դպիրքն Եւ ընդ հոգւոյդ քում:
Սարկաւագն Աստուծոյ երկրպագեսցուք:
Դպիրքն Առաջի քո, Տէր:
Քահանայն Խաղաղութեամբ քով, Քրիստոս փրկիչ մեր, որ ի վեր է քան զամենայն միտս զբանս, ամրացո՛ զմեզ, աներկիւղ պահեա՛ յամենայն չարէ: Հաւասարեա՛ զմեզ ընդ ճշմարիտ երկրպագուս քո, որք հոգւով ճշմարտութեամբ քեզ երկիր պագանեն: Վասն զի ամենասուրբ Երրորդութեանդ վայելէ փառք, իշխանութիւն պատիւ, այժմ միշտ, յաւիտեանս յաւիտենից. Ամէն:

Օրհնեալ Տէր մեր Յիսուս Քրիստոս:
Սարկաւագն Ամէն. օրհնեա՛, Տէր:
Քահանայն Տէր Աստուած օրհնեսցէ զամենեսեանսդ:
Դպիրքն Ամէն:



1 - 2 - 3 - 4 - 5 - 6 - 7 - 8 - 9 - 10 - 11 - 12

Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ