Գահիրէ, Եգիպտոս
Գահիրէի Համալսարանի հիմնադրութեան 100 ամեակի առիթով եւ հովանաւորութեամբ համալսարանի գրական բաժնի տնօրէն՝ տոքթ. Ահմէտ Զայէտի, Երկուշաբթի 27 Հոկտեմբեր 2008ին, կէսօրուայ ժամը 12:00ին, Արհի. Տէր Օգոստինոս Եպս. Գուսան՝ Առաջնորդ Սրբազան Աղեքսանդրիոյ Թեմի բանախօսեց Համալսարանի գրական բաժնի գլխաւոր շէնքին մէջ, «Հայ Կաթղիկէ Համայնքը Նոր Եգիպտոսի Մէջ» նիւթին շուրջ: Համալսարանը հիմնուած է Արթին Եաքուպ պաշա Չարըքեանի օրերուն, երբ ան Եգիպտոսի ուսման նախարարն էր: Հանդիսութեան ներկայ էին Ղպտի Կաթողիկէ Պատրիարք՝ Անթոնիոս Նակիպ, Ֆրանսայի եւ Հայաստանի դեսպանները, Սուրիոյ դեսպանի ներկայացուցիչը, Անարատ Յղութեան քոյրերը եւ համալսարանի դասախօսներ: Իբրեւ գնահատական Գերապայծառ Տիրոջ պատուեցին համալսարանի վահանով: