Պէյրութ
Ամենապատիւ Տէր Ներսէս Պետրոս ԺԹ. Կաթողիկոս Պատրիարքը հեռաձայնային կապով իր ցաւակցութիւնները յայտնեց մարոնի լիբանանեան միաբանութեան աբբահայր Թաննուս Նաամէին, հայր Էլի Մաքտիսիի սպաննութեան համար, որ պատահեցաւ Պէյրութի հարաւային ծովեզերեայ շրջանին մէջ: Հոգեւոր Տէրը դատապարտեց այս անմարդկային ոճիռը, եւ ապահովցուց իր աղօթքները հանգուցեալ վարդապետին հոգւոյն համար եւ նոր կոչումներու ծաղկումին համար միաբանութենէն ներս: Հոգեւոր Տէրը մաղթանք յայտնեց աբբահօր ըսելով՝ Քրիստոս յարեաւ ի մեռելոց, օրհնեալ է յարութիւնն Քրիստոսի: