Վատիկան
Վերջերս տուած քարոզներէն մէկուն մէջ, Ֆրանչիսկոս Սրբազան Քահանայապետը քննադատած է թանկարժեք մեքենաներով շրջելու՝ հոգեւորականներու ձգտումը: Ան հոգեւորականներուն կոչ ըրած է աւելի խոնարհ ըլլալ եւ մտածել աշխարհի մէջ սովէն մահացող երեխաներու մասին:
Սրբազան Քահանայապետին կողմէ կատարուած այս նկատողութիւնը լայն արձագանգ գտած է Վատիկանեան եւ միջազգային լրատուամիջոցներուն մէջ, որոնք կը յիշեցնեն եկեղեցին աղքատներու օգնութեան վրայ կեդրոնացնելու մասին Պապին Բազմիցս արտայայտած ձգտումը:
Երիտասարդներու հետ հանդիպումի մը ընթացքին, ուր ներկայ էին ուսանողներ, հոգեւորականներ եւ տարբեր երկիրներու ներկայացուցիչ վանականներ, Սրբազան Քահանայապետը նշած է որ սմարթֆոնի կամ ժամանակակից նման իրերու առկայութիւնը երջանկանանալու ճանապարհ չէ:
«Ես կը ցաւիմ երբ տեսնեմ թէ ինչպէս հոգեւորականը կամ մայրապետը կ'երթեւեկեն վերջին մոտել ինքնաշարժով: Պէտք չէ այդպէս ընել: Ինքնաշարժը անհրաժեշտ է որպէսզի հնարաւոր ըլլայ գործել այլոց բարօրութեան համար, սակայն ինքնաշարժին ընտրութիւնը պէտք է աւելի համեստ ըլլայ: Եթէ դուք կը սիրէք իւրօրինակ ժամանակակից ինքնաշարժներ, ապա յիշեցէք թէ ամբողջ աշխարհի մէջ ինչքան երեխայ սովի մատնուած է», ըսած է Սրբազան Քահանայապետը: