Գահիրէ
Կիրակի 3 հոկտեմբեր 2010, երեկոյեան ժամը 7-ին, Գահիրէի Վերոափոխման սուրբ Կուսին եկեղեցւոյ մէջ, սուրբ Պատարագի զոհի ընթացքին, ձեռամբ Արհիապատիւ տէր Գրիգոր Օգոստինոս եպս. Գուսանի առաջնորդ Աղէքսանդրիոյ կաթողիկէ հայոց, հայր Վէնսանդ Մըսդրիհ վարդապետական գաւազան ստացաւ: Սոյն արարողութեան ընթացքին լանջախաչ եւ վարդապետական մատանի ալ տրուեցաւ իրեն:
Արարողութեան նախագահն էր տէր Ատէլ եպիսկոպոս Զագի Եգիպտոսի լատիններուն առաջնորդը, ներկայ էր նաեւ Կաթողիկէ Ղպտիներուն Պատրիարքը Տէր Անդոնիոս Նակիպ:
Հանդիսաւոր վարդապետին քահանայական ձեռնադրութեան 50-ամեակին առթիւ ալ խուռներամ բազմութին մը կար յիսուսեան, ֆրանչէսկեան վարդապետներու, եւ նուիրեալ քոյրերու, որոնց մէջ էին նաեւ Անարատ Յղութեան հայ քոյրերը եւ հաւատացեալ ժողովուրդը:
Հայր Վէնսանդ Մըսդըրիհ ծնած է Գընայէ (Սուրիա), ապա անդամակցած է Ֆրանչէսկեան կրօնաւորներուն. իր իմաստասիրական եւ աստուածաբանական ուսմունքները Հռոմ ստանալով, Գահիրէ կը դառնայ եւ իրենց միաբանութեան վանքի գրադարանի տիտաններէն մին ըլլալով, հայկական բաժնի մասնագէտ կը դառնայ: