Հռոմ
Հինգշաբթի 17 Սեպտեմբեր 2009-ին Ամենապատիւ եւ Գերերջանիկ Տէր Ներսէս Պետրոս ԺԹ. Կաթողիկոս Պատրիարք Տանն Կիլիկիոյ Կաթողիկէ Հայոց մեկնեցաւ Հռոմ, ուր Միջին Արեւելքի պատրիարքներու հետ միասին, հանդիպում ունեցաւ սրբազան քահանայապետին հետ: Հանդիպման նպատակն էր արծարծել միջին արեւելեան Եկեղեցիներու յաջորդ համաժողովի (10-24 հոկտեմբեր 2009) նախապատրաստական գործընթացքին նիւթերը: Յիշենք որ համաժողովը պիտի խորհրդածէ արեւելեան բոլոր եկեղեցիներու իրավիճակը եւ ապագայ հեռանկարները: