Փարիզ
Մեծ Եղեռնի բիւրաւոր նահատակներու հոգեհանգստեան հադիսաւոր սուրբ Պատարագը մատուցուեցաւ Փարիզի «Նոթրը Տամ» աթոռանիստ եկեղեցւոյ մէջ, մեծ թիւով ֆրանսահայերու ոգեւորիչ մասնակցութեամբ։
Սուրբ Պատարագը մատոյց Ֆրանսայի թեմի առաջնորդ՝ արհիապատիւ Գրիգոր եպս. Ղապրոյեան, ներկայութեամբ Ֆրանսայի եւ հայ Եկեղեցւոյ հոգեւոր հայրերուն, մտաւորական դէմքերուն եւ ֆրանսացի բարեկամներուն։