Պէյրութ
Երեքշաբթի, Յունուարի 6-ին, Սուրբ Կուսին Աւետման եկեղեցիին մէջ, Ժէիթաուի, տեղի ունեցաւ Աստուածայայտնութեան եւ Յիսուս Քրիստոսի Մկրտութեան ծիսակատարումը։ Համապատարագեցին արհիապատիւ Տէր Մանուէլ եպիսկոպոս Պաթագեան եւ Տէր Կարապետ քահանայ Թադէոսեան։ Երգեցողութիւնը կատարեց Կիլիկիա երգչախումբը։
Յընթացս Սուրբ Պատարագին, գերապայծառ Պաթագեան՝ արարողութեանց մասնակցող հաւատացեալներուն ուղղեց օրուան խորհուրդէն թելադրուած իր պատգամը, ուր ան շեշտեց յատկապէս խոնարհութեան օրինակը զոր Յիսուս ուզեց տալ մկրտուելով, միաժամանակ ապացոյցը տալով մարդկային ճակատագիրը լիովին բաժնելու Իր կամքին։