Պէյրութ, Լիբանան
Երեքշաբթի, 26 յունուար 2010-ին, Անթիլիասի մէջ սկսաւ արեւելեան նախաքաղկեթոնական եւ կաթողիկէ Եկեղեցիներու աստուածաբանական պաշտօնական երկխօսութեան եօթներորդ հանդիպումը, մասնակցութեամբ Արհի. Պետրոս Արք. Միրիաթեանի, իբրեւ մնայուն ներկայացուցիչ հայ կաթողիկէ Եկեղեցւոյ: Միջեկեղեցական այս ժողովին, որ կ՛ընթանայ մինչեւ կիրակի 31 յունուար 2010, պիտի քննարկուին տիեզերական ժողովներու տեղն ու դերը քրիստոնէական առաջին դարերուն ու Հռոմի Եկեղեցւոյ դերակատարութիւնը, ինչպէս նաեւ պիտի արծարծուին արեւելեան նախաքաղկեթոնական որոշ Եկեղեցիներու տեսակէտները:
Չորեքշաբթի, 27 յունուար 2010-ին, միջեկեղեցական ժողովի մասնակիցները պաշտօնական այցելութիւն մը տուին Լիբանանի հանրապետութեան նախագահ զօր. Միշել Սլէյմանի, Պաապտայի նախագահական պալատին մէջ:
Յիշենք, որ Ամենապատիւ Հոգեւոր Տէրը մասնակցեցաւ միջեկեղեցական ժողովի ընթրիքին Անթիլիասի մէջ, հինգշաբթի 28 յունուար 2010-ին: