Չորեքշաբթի, 2 Ապրիլ 2014 - Շնորհաւորական ուղերձ ասորի ուղղափառ եկեղեցւոյ նորընտիր Պատրիարքին
Պէյրութ
Երեքշաբթի, 1 ապրիլ 2014-ին, Տանն Կիլիկիոյ կաթողիկէ հայոց ամենապատիւ Տէր Ներսէս Պետրոս ԺԹ. Կաթողիկոս Պատրիարքը շնորհաւորական ուղերձ մը յղած է Անտիոքի եւ համայն Արեւելքի ասորի ուղղափառ եկեղեցւոյ նորընտիր Պատրիարք Գերերջանիկ Իգնատիոս (Աղնադիոս) Բ. Էֆրեմին: Նամակին մէջ, ամենապատիւ Հոգեւոր Տէրը իր բարեմաղթութիւնները կը փոխանցէ ասորի նոր Պատրիարքին, իմաստութեամբ առաջնորդելու իր հօտը եւ Տիրոջ զօրութեամբ դիմագրաւելու քրիստոնեայ հասարակութեան բոլոր դժուարութիւնները եւ շրջանին մէջ տիրող ծանր պայմանները:
Աւարտին, ամենապատիւ Հոգեւոր Տէրը յոյս կը յայտնէ որ նոր Պատրիարքին ընտրութիւնը Քառասնորդացի օրհնաբեր շրջանին առիթ կը հանդիսանայ միջեկեղեցական յարաբերութիւններու սերտացման:
|