Պէյրութ
Հինգշաբթի, 17 մայիս 2012, ամենապատիւ տէր Ներսէս Պետրոս ԺԹ. Տանն Կիլիկիոյ կաթողիկոս պատրիարքը նամակ մը ստացաւ Լիբանանի Տիւրզիներու հոգեւոր պետ՝ շէյխ Նաաիմ Հասանէն, ի պատասխան Հոգեւոր Տիրոջ ուղղած ցաւակցական ուղերձին, Լիբանանի Տիւրզիներու համայնքապետ շէյխ Ապու Մուհամմատ Ժաուատ Ուալիյիտին վախճանման համար: Նամակին մէջ, շէյխ Նաաիմ Հասան իր խորին շնորհահալութիւնը կը յայտնէ հայ կաթողիկէ պատրիարքութեան ցաւակցութեան համար, աղօթելով առ Աստուած, որ հանգուցեալին օրինակին հետեւելով լիբանանցիք գործեն ի սպաս իրենց հայրենիքի ընդհանուր բարիքին եւ խաղաղութեան: