Պէյրութ
2015-ի Աւագ Շաբթուան ընթացքին ամենապատիւ Հոգեւոր Տէրը 2 ապրիլին՝ Աւագ Հինգշաբթի, պիտի այցելէ «Սուրբ Խաչ» ժողովրդապետական եկեղեցի, ուր պիտի նախագահէ սուրբ Պատարագին եւ Ոտնլուայի արարողութեան: Երեկոյեան ժամը 8-էն սկսեալ նոյն եկեղեցւոյ մէջ պիտի կատարէ հսկումի եւ չարչարանաց գիշերային եւ առաւօտեան ժամերգութիւնները: 3 ապրիլ՝ Աւագ Ուրբաթ օրը, ամենապատիւ Հոգեւոր Տէրը պիտի նախագահէ երեկոյեան ժամերգութեան եւ Յիսուսի թաղման յիշատակի արարողութեան «Սուրբ Փրկիչ» եկեղեցւոյ մէջ: 4 ապրիլ՝ Աւագ Շաբաթ օրուան ժամը 5:30-ին ամենապատիւ Հոգեւոր Տէրը պիտի նախագահէ ճրագալոյցի սուրբ Պատարագին «Սրբոյ Կուսին Աւետման» եկեղեցւոյ մէջ, ուր պիտի պատարագէ եւ քարոզէ արժանապատիւ տէր Կարապետ քհն. Թադէոսեան:
Դիւան Հայ Կաթողիկէ Պատրիարքարանի