Հինգշաբթի, 11 Մարտ 2010 առաւօտեան ժամը 11.00-ին Զմմառու Մայրավանք այցելեցին՝ Քահանայապետական Նուիրակ Մօնս. Կապրիէլ Գաչիա, ընկերակցութեամբ իր քարտուղարին՝ Մօնս. Թովմասին. Անոնք ծանօթանալէ ետք Մայրավանքիս Թանգարանին, Մատենադարանին, Ձեռագրատան, եւ Գինեմառանին, օրուան հացկերոյթին մասնակցեցան, որուն ընթացքին վանքին Մեծաւոր Հօր՝ Գերյ. Միքայէլ Թ. Ծ. Վ. Մուրատեանի եւ վանքի միաբան հայրերուն հետ զրուցեցին հոգեւոր եւ այժմիական զանազան նիւթերու շուրջ:
Այցի աւարտին Քահանայապետական Նուիրակը իր տպաւորութիւնները մակագրեց վանքիս յուշամատեանին մէջ որմէ ետք հրաժեշտ տուաւ վանքիս հայրերուն արտահայտելով իր երախտապարտ զգացումները: