1. Թեմին Կազմակերպումը

Գամիշլիի Թեմը (կամ Բարձր Ճեզիրէի Թեմ) իր իրաւասութեան տակ ունի Սուրիոյ Հիւսիս-Արեւելեան շրջանը՝ Հասաքէ եւ Տէյր-Զօր նահանգները:
Բարձր Ճեզիրէի հաւատացեալներուն հոգ- հոգւոցը յանձնուած էր Հալէպի Թեմին: 1938-ին կը ղառնայ Պատրիարքական Փոխանորդութիւն եւ կը յանձնուի Կիւրեղ Եպ. Զոհրապեանին (Ձեռնադրեալ 27.10.1940) որ կը կազմակերպէ Առաքելութիւնը մինչեւ 1952: Անոր կը յաջորդէ Յովսէփ Վ. Ճենանճի: Գամիշլի կը դառնայ 29.06.1954-ին Եպիսկոպոսական Թեմ որուն առաջին Թեմական Առաջնորդը կը հանդիսանայ Յովսէփ Եպ. Ճենանճի (Ձեռնադրեալ 12.12.1954-ին):Անոր կը յաջորդէ Գրիգոր Եպ. Այվազեան (1972-1988): Անդրէաս Եպ. Պետողլեան կ՝անուանուի Պատրիարքական Կառավարիչ (1988-1990), ապա Թեմական Եպիսկոպոս կ՝ընտրուի Յովսէփ Եպ. Առնաութեան (1990-1992):
1992-էն ի վեր Թեմը յանձնուած է Արհի. Տէր Պետրոս Արք. Միրիաթեանին Առաջնորդ Հալէպի, որ Սրբազան Պապին կողմէ անուանուեցաւ Առաքելական Կառավարիչ: Երեք ժողովրդապետութիւններ կը գործեն.
- Գամիշլիի մէջ՝ Ս. Յովսէփ եկեղեցին:
- Հասաքէի մէջ Ս. Ընտանիք եկեղեցին:
- Տէր Զօրի մէջ Ս. Գրիգոր Լուսաւորիչ եկեղեցին:
Փոքր ժողովրդապետութիւն մը կը գտնուի Ապու- Քամալ որ կապուած է Տէյր- Զօրի ժողովրդապետութեան:
Ս. Գէորգին նուիրուած սրբավայրը Հէքոյի մէջ կապուած է Հասաքէի ժողովրդապետութեան ինչպէս եւ Նասիրա արուարձանին մատուռը:
Ծաղիկներու Տիրամայր կոչուած ուխտավայրը կը գտնուի Գամիշլիի շրջանին մէջ:
Գամիշլիի կամ Բարձր Ճեզիրէի Թեմին հաւատացեալներուն թիւը մօտաւորապէս 5000 հոգի է:

2. Թեմական Կղերը

Թեմին Կղերը կը բաղկանայ 6 Վարդապետներէ որոնք կը պաշտօնավարեն 3 ժողովրդապետութիւններու մէջ: Իրենց ժողովրդապետական պաշտօնը կատարելով հանդերձ անոնք կը զբաղին նաեւ Թեմին դպրոցներով, բարեպաշտական
եղբայրութիւններով եւ հոգեւոր շարժումներով (2 թեմական վարդապետներ կը պաշտօնավարեն Թեմէն դուրս:)
- Հ. Անդրանիկ Ծ.Վ. Այվազեան - Ծնեալ 25.06.1948 Ձեռնադրեալ - 18.03.1972
- Հ. Յարութիւն Արշինակեան - Ծնեալ 10.03.1952 Ձեռնադրեալ - 22.06.1980
- Հ. Նարեկ Վ. Նաամոյեան - Ծնեալ 04.01.1972 Ձեռնադրեալ - 16.01.1997
- Հ. Գառնիկ Վ. Յովսէփեան - Ծնեալ 20.05.1976 Ձեռնադրեալ - 14.09.2002
- Հ. Մխիթար Վ.Պօղոսեան ( Թեմէն դուրս) - Ծնեալ 1957 Ձեռնադրեալ - 29.07.1984
- Հ. Արմենակ Վ.Պետրոսեան ( Թեմէն դուրս) - Ծնեալ 1968 Ձեռնադրեալ 18.09.1999

3. Կոչումները

Գամիշլիի Թեմը կը մնայ աղբիւր մը քահանայական եւ կրօնաւորական կոչումներու: Մեծ Նորընծայ մը իր կազմաւորումը կը շարունակէ Հռոմի մէջ: Երկու մեծ Նորընծաներ կը շարունակեն իրենց ուսումը Զմմառու Վանքին մէջ: Փոքր նորընծաները կ՝արձանագրուին Հալէպի Տիրամայր Զմմառու միջ -Թեմական ընծայարանը եւ կամ ալ Զմմառու Ս. Միքայէլ Փոքր ընծայարանը պարագաներու համաձայն:

4. Կրօնաւորներն ու Կրօնաւորուհիները

Անարատ Յղութեան Միաբանութեան Հայ Քոյրերէն 3 հոգի Գամիշլիի մէջ կը զբաղին քրիստոնէական վարդապետութեան դասաւանդութեամբ եւ մարեմեան հոգեւոր շարժումով, ինչպէս նաեւ հովուական ծառայութեամբ:
Երկու Սալեզեան վարդապետներ Գամիշլիի մէջ, Թեմին հովանաւորութեամբ, աղօթատեղի մը եւ քրիստոնէականի կեդրոն մը բացած են պատանիներու եւ երիտասարդներու համար, ինչպէս նաեւ կ՝օժանդակեն Թեմին վարդապետներուն:



Առօրեայ Աւետարանը
Այբ Էջ | Բովանդակութիւն | Հասցէարան | Օգտակար Կապեր | Նամականի
Ներքին Պրպտում՝  Armenian Keyboard
Կարդացէ՛ք այս էջը հետեւեալ լեզուներով.-    
Վերարտադրութեան ամէն իրաւունք վերապահուած է Հայ Կաթողիկէ Եկեղեցւոյ