Սուրբ Ղազար, Վենետիկ
Մխիթարեան Միաբանութիւնը գուժէ մահը, Հայր Վրթանէս Ուլուհոճեանի, որ պատահեցաւ երկուշաբթի 24 Մայիս 2010-ին, հետ երկարատեւ հիւանդութեան, Վենետիք:
Հանգուցեալ Վարդապետը ծնած է Ֆրանսայի Լիոն քաղաքը 11 Մարտ 1939-ին: Ձեռնադրուած է կուսակրօն Քահանայ 1964-ին իր իմաստասիրութեան ու Աստուածաբանական ուսումները աւարտելէն ետք Հռոմի «Գրիգորեան» համալսարանին մէջ:
Պաշտօնավարած է Փարիզի Սամուէլ-Մուրատ վարժարանին մէջ, ինչպէս նաեւ Մուրատ-Ռափայէլեան վարժարանէն ներս որպէս վարժապետ, օգնական, ուսումնապետ, ու երկար տարիներ ծառայած է սուրբ Ղազարի մենաստանին մէջ, որպէս գործակալ, եկեղեցական, վարչութեան անդամ, գրադարաապետ եւ մատակարար:
Բազմալեզու գրութիւններ մշակած է Հայոց պատմութեան, Մեծ Եղեռնի, հայ ծիսարանի եւ գրչութեան մասին: Իր կարեւոր աշխատանքն եղած է Հայաստանեայց Եկեղեցւոյ շարականներու ձայնագրութիւնը, սուրբ Ղազարի աւանդական երգեցողութեամբ:
Հայ Կաթողիկէ Պատրիարքարանը եւ կայքէջի անձնակազմը, կը ցաւակցին հանգուցեալ վարդապետին մահուան համար եւ իրենց աղօթքին կը միացնեն իրենց խորին յարգանգի զգացումները հարազատներուն եւ Մխիթարեան Միաբանութեան: