Ամեն. եւ Գերերջանիկ Տէր Ներսէս Պետրոս ԺԹ.
Կաթողիկոս Պատրիարք Տանն Կիլիկիոյ Կաթողիկէ Հայոց
Սիրեցեալ Եղբայր,
Եղբայրական համբոյրով Ի Քրիստոս,
Ամենայն յարգանքով եւ սիրով,
Ամենայն շնորհակալութեամբ ստացայ Ձեր նամակը թուագրուած՝ 22/01/2009-ին, մասնակցելու համար աղօթքով եւ սիրոյ զգացումներով, հանգուցեալ հօր ու հովիւին՝ Վաստակաւոր Պատրիարք Կարդինալ Անպա ՍտեՖանոս Բ.ի թաղման պաշտօնին:
Այո, ճշմարիտ է Ձեր խօսքը երբ կÿըսէք, որ Գերերջանիկ Տէրը յատուկ դրոշմ ձգեց Ղպտի Կաթողիկէ Եկեղեցւոյ պատմութեան մէջ: Ան մեզի թողուց մանաւանդ իր բարի սիրոյ, ծառայութեան, խոնարհութեան ու հաւատարմութեան օրինակը: Պիտի ձգտինք հետեւիլ իր քայլերուն:
Ղպտի Եկեղեցւոյ եւ իմ անունովս, հանգուցեալին ընտանիքին եւ Լազարիսթ միաբանութեան անունովը, շնորհակալութիւն կը յայտնեմ Հայ Կաթողիկէ Եկեղեցւոյ Սինոհդոսի կղերին ու հաւատացեալներուն, ցաւակցութեան ու աղօթքներուն համար: Թող Աստուած պարգեւէ մեր Ամենապատիւ հանգուցեալին յաւիտենական հանգիստ եւ դասէ անմեղներուն ու սուրբերուն հետ:
Եղբայրական սիրով եւ աղօթքով,
խնդրելով Ձեր աղօթքները
Անպա Անթոնիոս Նակիպ
Աղեքսանդրիոյ Ղպտի
Կաթողիկէ Պատրիարք