Լիբանան
29 Դեկտեմբեր 2008-ին Լիբանանէն տասներկու հոգինոց մանուկներու խումբ մը, կաթողիկէ վարժարաններէն ընտրուած, մեկնեցաւ Վատիկան, իր մասնակցութիւնը բերելու համար 1 Յունուրին Սրբազան Քահանայապետ Պենետիկտոս 16-րդի մատուցած Սուրբ եւ Անմահ Պատարագին:
Ի մեծ ուրախութիւն Հայ Կաթողիկէ Մեսրոպեան Բարձրագոյն վարժարանի մեծ ընտանիքի, վարժարանը նկատի առնուած է իր մէկ աշակերտով մաս կազմելու համար վերոյիշեալ պատմական սուրբ արարողութեան:
Այսպիսով, Հայ Կաթողիկէ Մեսրոպեան Բարձրագոյն վարժարանի վեցերորդ դասարանի աշակերտուհի՝ Նարօտ Ատուրեան մաս կը կազմէ Վատիկան մեկնող խումբին, որ հոն պիտի հիւրընկալուի մինչեւ 5 Յունուար 2009:
Իտալիոյ Պրեշիա քաղաքի Տի.Էմ.Էս Օնլուս քրիստոնէական բարեսիրական կազմակերպութեան նախագահ՝ վարժարանի նուիրեալ բարերարներէն ու անկեղծ բարեկամներէն, Փրոֆ. Անճելօ եւ Պարպարա Պոզիոներէն ստացուած 14 Նոյեմբեր 2008 թուակիր նամակ մը կու գայ տեղեկացնելու, որ. «Մեծ ուրախութեամբ կÿիմանանք, որ Մեսրոպեանի երիտասարդ աշակերտուհին պիտի մեկնի 2008-ի տօնական ժամանակաշրջանը քաղաք Վատիկանի մէջ անցնելու, ուր ան աշխարհի տարբեր երկիրներէն ժամանած բազում մանուկներու կողքին օրհնութիւնը պիտի ստանայ Սրբազան Քահանայապետին»:
Նկատի ունենալով, որ Լիբանանը երկարատեւ պատերազմ տեսած երկիր է, Փրոֆ. Անճելօ եւ Պարպարա Պոզիոները մեծ սիրով Նարօտի միջոցաւ Իրաքի մանուկներուն Ս. Ծննդեան եւ Ամանորի առիթով կը նուիրեն 10,000 ամերիկեան տոլար: Այս նուիրատուութեամբ անոնք կու գան լիբանանահայ մանուկներու անունով ողջունելու Իրաքի մանուկները, որոնք «լաւ գիտեն, թէ ինչ է պատերազմը եւ օրական դրութեամբ կÿապրին անոր վնասնե¬րը: Կÿաղօթենք, որ Ս. Հոգին օգնէ խաղաղութեան մէջ պահելու աշխարհի բոլոր մանուկներն ու անոնց ընտանիքները»:
Այս գումարը Նարօտ պիտի յանձնէ Սրբազան Քահանայապետին, որպէսզի ան իր ձեռամբ այդ նուէրը հասցնէ Իրաքի կաթողիկէ մանուկներուն: