ՀԱՄԱՅՆՔԻՆ ԱՆԴԱՄՆԵՐՈՒՆ ԹԻՒԸ
Պատմական առաջին տուեալներուն համաձայն, ԺԸ. դարու կէսին՝ հայ կաթողիկէ հասարակութիւնը հաշուած է քառասուն ընտանիք, միայն մայրաքաղաքին մէջ:
1914 թ. տուեալներով՝ Գահիրէ գտնուած են 300 ընտանիք, իսկ Աղեքսանդրիա՝ 120 ընտանիք:
1915-1935 քսանամեակին՝ Գահիրէի եւ Աղեքսանդրիոյ մէջ գտնուած են երկու հազարէ աւելի հայ կաթողիկէ անդամներ, Մեծ Եղեռնէն եւ յաջորդական կոտորածներէն ճողոպրած նոր գաղթականներու հետեւանքով:
Ներկայիս՝ վերջին տուեալներով, հայ կաթողիկէ համայնքին անդամները կը հաշուեն, Գահիրէ՝ 146 ընտանիք, Հելիոպոլիս՝ 195, Աղեքսանդրիա՝ 75, գաւառներու մէջ՝ Թանթա, Զիֆթա, Մանսուրա, 10. իսկ Սուտան՝ Խարթում եւ շրջակայքը՝ 70:
ՀԱՅ ԿԱԹՈՂԻԿԷ ՀԱՄԱՅՆՔԻ ԱԿԱՆԱՒՈՐ ԵԿԵՂԵՑԱԿԱՆ ԴԷՄՔԵՐ
Եկեղեցական եւ հասարակական կեանքի մէջ՝ բազմաթիւ նուիրեալներու կարգին, իրենց վաստակով մասնաւոր յիշատակութեան արժանացած են՝ Պօղոս Վրդ. Սապպաղեանը, որ արժանավայել կերպով բազմած է Պոլսոյ պատրիարքական գահին վրայ: Երեք ժողովրդապետներ՝ Ալոզիոս Վրդ. Պաթանեան, Յովհաննէս Վրդ. Գասպարեան եւ Ներսէս Վրդ. Թարմունի հասած են նուիրապետական՝ կաթողիկոսութեան բարձրագոյն աստիճանի:
Ուրիշ վաստակաշատ ժողովրդապետ մըն ալ եղաւ Արհի. Երանելի Տ. Իգնատիոս Արք. Մալոյեան:
Հովուական առաքելութեան առընթեր, մտաւորական արժանիքներ ցուցաբերած է Արհի. Տ. Սերովբէ Եպս. Դաւթեան, բեղուն գրիչի տէր եկեղեցականը:
Ֆրանսերէն լեզուով պատմական կարեւոր հետազօտութիւն մը կատարած է Պօղոս Վրդ. ՇիրիքՃեան:
Գրական արժանիքներով օժտուած եկեղեցական մը եղած է Խաչիկ Վրդ. Աթանասեան:
Գրիգոր Վրդ. Կէրկէրեան՝ անխոնջ հետազօտող մը եղաւ, յայտնաբերելու համար Մեծ Եղեռնի վերաբերող վաւերագրերու բնագիրները:
Յովսէփ Վրդ. Սապ եղաւ երկար ժամանակ Հ.Կ. Պատրիարքարանի նախադատ Ատեանի նախագահ:
ՀԱՅ ԿԱԹՈՂԻԿԷ ԿԱՐԿԱՌՈՒՆ ԴԷՄՔԵՐ
Պետական բարձր պաշտօններուն հասած են՝ Չրաքեան ընտանիքի անդամներէն՝ Արթին, Խոսրով եւ Եուսէֆ պէյերը, Եագուպ Արթին փաշան: Հէքէքեան ընտանիքէն՝ Եուսէֆ պէյը եւ Թիթօ փաշան:
Արաբական գրականութեան մէջ անունի գրող եւ հրապարագիր Ատիպ Իսհաքը, լրագրող Օննիկ Փիլիպպոսեանը. շերամաբան Բիւզանդ Մասրաֆը:
Ֆէրահեաններէն՝ Յակոբ եւ Կրեկուար Պէյերը:
Մաթոսեաններէն՝ Կարապետ պէյը եւ ժոզէֆ:
Ճարտարապետական կառոյցներով անուանի Լեւոն Նաֆիլեանը:
ՀԱՅ ԿԱԹՈՂԻԿԷ ԵԿԵՂԵՑՒՈՅ ՀՐԱՏԱՐԱԿԱԾ ՊԱՐԲԵՐԱԿԱՆՆԵՐԸ
- «Bulletin Mensuel de L’Eglise Arménienne Catholique Sainte Thérèse de l’Enfant Jésus» 1934-1939.
- «La Vie Paroissiale»
- «Bulletin Diocésain»
- «Սրահի Կեանքը» ամսաթերթը՝ 1973
- «Կապ»-ը՝ որուն առաջին տասը թիւերը լոյս տեսած են միայն:
ԿՐԹԱԿԱՆ-ԴԱՍՏԻԱՐԱԿՉԱԿԱՆ ԳՈՐԾՈՒՆԷՈՒԹԻՒՆԸ
Եգիպտոսի Հայ Կաղողիկէ համայնքին կրթական- դաստիարակչական գործունէութիւնը սկսած է 1849-1855 թուականներուն:
- Անարատ Յղութեան Հայ Քոյրերու Վարժարանը
- «Հայր Ալիշան» Հայ Կաթողիկէ երիտասարդաց միութիւնը
- «Մխիթարեան Վարժարան »